Ibibazo Bikunze Kubazwa ku Bijyanye na Derek Prince Ministries

Derek Prince Ministries ni iki?

Derek Prince Ministries ni umuryango mpuzamahanga wa Gikristo wiyemeje kwigisha Bibiliya no gutoza abizera kubaho bikurikije ijambo ry'Imana. Ukomeza umurage wa Derek Prince mu gusangiza inyigisho ze binyuze mu bitabo, amajwi, amashusho n'ikoranabuhanga.

Ni iyihe Myizerere Shinigro yanyu?

Soma inyandiko yuzuye y'Imyizerere Shingiro yacu.

DPM ni iki?

Derek Prince Ministries rimwe na rimwe yitwa kandi igahabwa izina ry'impine rya DPM.

Ni gute mukorera mu bindi bihugu?

Derek Prince Ministries ifite ibiro mu bihugu birenga 45 n’ibikorwa byo kugeza Ubutumwa Bwiza ku bantu ku migabane itandatu, kandi yagiye ihindura inyigisho za Derek mu ndimi zirenga 100. Amatsinda yacu ahindura kandi akwirakwiza inyigisho za Derek mu buryo bw'ibitabo, amajwi, amashusho, n'amaradiyo.

Menya byinshi ku bikorwa by'indashyikirwa dukora binyuze mu biro byacu hirya no hino ku isi ukanda ku murongo uri hepfo.

Derek Prince ni inde?

Derek Prince yari umwigisha wa Bibiliya w'ikirangirire ku rwego mpuzamahanga ndetse n'umwanditsi, wakoze umurimo wagize ingaruka zigikomeza mu gutera abakristo umwete ku isi hose. Ubumenyi bwe buhambaye mu Byanditswe Byera n'ubwitange bwe mu gusangiza Ijambo ry'Imana byasize umurage udashira.

Kugira ngo umenye byinshi ku buzima bwa Derek Prince, inyigisho n'ibyo yakoze, sura ubuzima bwe bwite.

Ni gute navugana na Derek Prince Ministries?

Reba ipaji iriho uburyo watubona maze ubone ibisobanuro birambuye.

Ni gute nakwiyandikisha ngo njye mbona amakuru mashya ya Derek Prince Ministries

Kugira ngo ukomeze kumenya amakuru yacu mashya na gahunda za Derek Prince Ministries, iyandikishe mu bakira amakuru yacu.

Ese Derek Prince Ministries ikorana n'indi miryango y'ivugabutumwa?

Dufatanya n'imiryango ya Gikristo yigisha Bibiliya n'amashuri ya tewolojiya ku isi hose mukwigisha abashumba n'abizera twifashishije inyigisho za Derek Prince. Intego yacu ni ugushyigikira abashumba mu guteza imbere umurimo wabo w'ukuri wihariye, dukoresheje ubutunzi bwagutse bw'inyigisho za Bibiliya.

Mujya mugira ibiterane?

Mu bihugu bimwe na bimwe dukora ibiterane, mu bindi dufatanya n'amatorero yaho n'indi miryango. Ku bindi bisobanuro hamagara ibiro bya Derek Prince Ministries mu gihugu cyawe.

Ese mushinga amatorero?

Derek Prince Ministries ntabwo ishinga amatorero. Ahubwo ishyigikira abayobozi b'amatorero b'ahantu mu ivugabutumwa, gutoza abigishwa no gufasha mu gukura kw'itorero -nk'uko Derek Prince yabigenzaga. Intego yacu iracyari yayindi: Kugera kubataragerwaho no kwigisha abatarigishwa, akenshi binyuze mu gutanga inyigisho za Bibiliya mu buryo butandukanye ku buntu.

Ni gute Derek Prince Ministries ikoresha kandi irinda amakuru yanjye bwite?

Muri Derek Prince Ministries, twiyemeje kurinda cyane amakuru yawe bwite tubishyizeho umutima n'ubunyangamugayo bwinshi. Gukoresha no kurinda amakuru yawe bikurikiza Amabwiriza yo kurinda amakuru bwite y'igihugu ibiro uvugana nabyo kirimo, hamwe n'amategeko akurikizwa muri ako karere. Ibi bituma amakuru yawe yitabwaho mu buryo bukwiye kandi bugendanye n'amategeko akwiriye.

Kugira ngo umenye byinshi biruseho ku buryo amakuru yawe yakirwa, akoreshwa kandi arindwa, turagushishikariza gusoma Amabwiriza y'Ikoreshwa ry'Amakuru Bwite yacu yose.

Ni izihe nyigisho Derek Prince Ministries itanga?

Dutanga uburyo butandukanye bwo kwigisha Bibiliya, harimo ibitabo, inyigisho zikoresha amajwi, amashusho, inyigisho ngufi zo kwiyigisha Bibiliya. Byinshi muri ibi biboneka ku buntu cyangwa ku giciro gito ngo bigere ku bantu benshi.

Ese Derek Prince Ministries itanga inyigisho zo kwiga Bibiliya?

Yego, dutanga inyigisho zo kwiga Bibiliya mu ndimi zimwe na zimwe mu rwego rwo gutoza abizera no kubafasha kurushaho gusobanukirwa Ijambo ry'Imana mu buryo bwimbitse.

Ese ibitabo bya Derek Prince biboneka mu zindi ndimi?

Yego! Inyigisho za Derek Prince ziboneka mu ndimi nyinshi. Niba hari ibitabo ukeneye mu rurimi runaka, reba aho tugurishiriza ibitabo kuri murandasi cyangwa wandikire ibiro byo mu gihugu cyawe bya Derek Prince Ministries baguhe amakuru arambuye. Izi nyigisho zishobora kugufasha cyane mu kwiyigisha Bibiliya cyangwa kugeza ubutumwa bwiza ku bantu aho utuye.

Ese nshobora gusemura inyigisho za Derek Prince mu rurimi rwanjye?

Hamagara ibiro bikwegereye usabe amakuru arambuye arebana no gusemura inyigisho n'uburyo ibitabo bisohorwa.

Icyo naguze ntikirangeraho, nakora iki?

Nyamuneka, hamagara ibiro byawe aho waguze kuri murandasi bagufashe.

Ni gute natera inkunga Derek Prince Ministries?

Ushobora kudutera inkunga mu gusunga, gutanga amafaranga, cyangwa ubukorerabushake. Baza ku biro byo mu gihugu cyawe ibisobanuro birambuye by'uko wafasha ndetse no kugira uruhare muri uyu murimo.

Ese inkunga ihawe Derek Prince Ministeies isonerwa umusoro?

Mu bihugu byinshi, inkunga ihawe Derek prince Ministries busonerwa umusoro. Baza ibiro byo mu gihugu cyawe ku bisobanuro birambuye kuri ibi.