Umutungo w'Imana

Bibiliya ivuga ko tugomba guhimbaza Imana mu mibiri yacu no mu mwuka wacu (reba 1 Abakorinto 6:20), kuko byombi ari iby'Imana; byombi byacunguwe mu kuboko kwa Satani n'amaraso ya Yesu. Nta gice cyanjye—umwuka, ubugingo, cyangwa umubiri—kiri munsi y'ubutegetsi cyangwa ubuyobozi bwa Satani.

Reka mvuge kumugaragaro ko nta mubiri wazutse mfite ahubwo mfite umubiri upfa. Ariko uwo mubiri upfa—imyakura yawo yose, uturemangingo, n'uruhu rwawo—ni umutungo w'Imana, si uw'umubi. Niba Satani yiyinjije muri ako gace, aba yarengereye. Kubera uburenganzira dufite muri Yesu, dushobora gushyiraho icyapa cyanditseho ngo “Ntihanyurwa.” Mu buryo bw'amategeko, imibiri yacu si iy'umwanzi ahubwo ni iya Yesu, ufite umugambi wihariye kuri yo. Iyo mibiri igomba kuba ubuturo bwihariye bw'Umuntu wa gatatu ugize Ubutatu Bwera, Umwuka Wera. Imibiri yacu ni iyera kuko ari yo buturo bwagenewe Umwuka Wera.

Mu Byanditswe, Imana ivuga kenshi ko itaba mu nsengero zakozwe n'amaboko y'abantu (reba, urugero, Ibyakozwe n’Intumwa 7:48). Ntinaba mu nyubako z’amatorero, mu nsengero, mu masinagogi, cyangwa mu zindi nyubako zo gusengeramo. Ahubwo itura mu bantu bayo.