Momba ny Asa Fanompoana Derek Prince

Manerana izao tontolo izao ary amin’ny fotoana rehetra, ny asa Fanompoana Derek Prince dia mampianatra ny Baiboly, mizara ny Tenin’Andriamanitra hery manova fiainana amin’izao tontolo izao mila ny fahamarinana ara-baiboly.

Iza Izahay

Ny Asa Fanompoana Derek Prince dia mino fa miova ny fiainan’ny olona rehefa mihaona amin’i Jesosy izy ireo. Amin’ny alalan’ny fanaovana mpianatra sy ny fanabeazana momba ny Tenin’Andriamanitra, dia manome sakafo ho an’ny saina izahay, manentana ny fo ary manampy ny tànan’ny mpino mba hiaina ao amin’ny fahafenoan’izany fihaonana izany.

Ny lova sy ny anaran'ilay mpampianatra Baiboly malaza maneran-tany, Derek Prince, no loharanon’ny asa fanompoan’ny fiangonana, ny iraka, ny mpampianatra kristiana, ary ny mpino an-tapitrisany manerana izao tontolo izao. Mihoatra ny 45 ny birao nasionaly sy ny biraon’ny asa fanentanana ivelany miaraka amin’ny hetsika manerana ny kaontinanta enina, ary tsy milentika na oviana na oviana ny masoandro amin’ny asa ataon’ny Asa Fanompoana Derek Prince sy ny ezakay hampitao ny mpianatra mba hanao mpianatra ho an’i Kristy.

Ny iraka ataonay

Izay ataonay

Isan’andro izahay dia mampianatra ny Baiboly ary manomana ny mpino mba hanaraka an’i Jesosy amin’ny fahafenoan’ny finoana, fahendrena ary fahamarinana.

Amin’ny alalan’ny fampianarana maharitra an’i Derek Prince, mampianatra ny mpino izahay amin’ny dingana rehetra momba ny fandehanana kristiana. Ny birao foiben’I Kristy sy ny biraon’ny faritray ,dia miasa eo amin’ny laharana voalohany amin’ny fanaovam-pianatra kristiana, miady amin’ny hanoanana ara-panahy amin’ny alalan’ny asa fanompoana malalaka sy loharano mba hitondra fiovana marina Anisan’izany:

Fampiofanana mpitarika:

Miaraka amin’ireo mpitarika sy mpitandrina fiangonana eo an-toerana; manome loharano maro ilaina sy fitaovana fampianarana izahay mba hampahatanjaka ireo asam-piangonana fototra.

Loharano fampianarana:

Misy ny voatonta, horonan-tsary, feo ary an-tserasera azo ampiasaina, mamoaka sy mizara loharano fampianarana mba hampitao ny mpino n’aiza n’aiza izahay. Ny ankamaroan’ny fitaovana novokarinay dia omena maimaim-poana.

Fandikan-teny:

Ny tena tianay dia ny mahita olona mahazo ny fampianarana miorina amin’ny Baiboly amin’ny fiteny azon’izy ireo.

Fampianarana Baiboly:

Izahay dia manome karazana fampianarana Baiboly an-tsoratra sy fianarana baiboly samirery mba hanabeazana sy hampitaovana ny mpino.

Fisoloana vava:

Izahay dia mampiroborobo ny herin’ny Tenin’Andriamanitra sy ny fahefany, manentana ny mpino hitombo amin’ny fahalalana sy ny fahatakarana ny Baiboly any an-trano, fiangonana, sekoly ary an-tserasera.

Fanavaozana:

Ny Asa Fanompoan’i Derek Prince dia manatratra olona maro kokoa noho ny teo aloha amin’ny alalan’ny tetikasa sy hetsika vaovao. Ny fitoriana ara-nomerika ataonay dia mampiasa teknolojia hifandraisana an-tserasera amin’ny alalan’ny tambajotra sosialy, horonan-tsary, lahatsoratra, apps ary maro hafa.

Fitoriana

Hetsika fitoriana azo ampiharina izay hahatratra ireo tsy mbola tratra ary mampianatra ireo tsy mbola nianatra.

Lisitry ny Boky

Loharanon’ny aingam-panahy maharitra, jereo ny fanangonana feno ny bokin’i Derek Prince.

Mivavaha ho anay

Miaraha aminay mitady ny fitarihan'Andriamanitra, fahendrena, sy fahombiazana rehefa miara-mivavaka isika.

Fijoroana vavolombelona

Fantatrao izay lazain'ny olona avy amin'ny lafim-piainana rehetra momba ny Derek Prince Ministries.

Tantaram-piainana

Tamin'ny taona 1971 no nanombohany ny rehetra raha nanokatra birao tao amin'ny garazin’ny tranony tao Fort Lauderdale, Florida i Derek Prince. Fantatra tamin'ny voalohany amin’ny hoe Famoahan’ny Derek Prince, izany dia vokatry ny asa fanompoana fampianarana Baiboly niroborobo izay nafafin’i Derek tamin'ny taona 1944 rehefa nilaza taminy ny Tompo hoe:

“Ianao dia antsoina ho mpampianatra ny Soratra Masina, amin’ny fahamarinana, finoana ary fitiavana, izay ao amin’i Kristy Jesosy - ho an’ny maro.”

Ireo teny ireo no nitarika ny ezaka nataon’i Derek mba hamahanana ny noana ara-panahy, ka nanentana azy hanoratra sy hamoaka boky maro toa ny “Fianaran'ny Tena Samirery Baiboly”, “Fahamarinana Manafaka”, “Mibebaha ary Minoa” sy maro hafa. Ho vavolombelon’ny fahombiazan’ireo lohateny ireo sy ny fahamarinan’Andriamanitra,dia nitombo ny famoahan’I Derek Prince miaraka amin’ny fitomboan’ny fangatahana.

Tamin’ny taona 1972, ny famokarana dia efa nihoatra ny fahaizan’i Derek izay mpiasa tokana, ka nantsoina i David Selby (vinantony) mba hanampy. Nametraka niaraka ny làlana ho an’ny fitomboan’ny asa fanompoana izy ireo, nampiasa ny fandefasana amin’ny onjam-peo ary namoaka boky vaovao.

Nisokatra ny birao tany amin’ny firenena ivelany toa an’i Nouvelle-Zélande, Afrika Atsimo, Aostralia, Kanada, ny Fanjakana Mitambatra ary ny Pays-Bas tamin'ny taona 1980, ary nanonofy ny hanao mpianatra ny firenena izay niorina. Tamin’ny faran’ny folo taona, dia nahavita fitsidihana eran-tany in-telo nampianatra Baiboly I Derek, ary ny fandaharany amin’ny onjam-peo dia nalefa betsaka manerana ny kaontinanta enina sy fiteny folo.

Tamin’ny taona 1990, ny famoahan’I Derek Prince dia novana anarana tamin’ny fomba ofisialy ho Asa Fanompoana Derek Prince. Nohamafisina ny fizarana ny fitaovana fampianarana Baiboly maimaim-poana, ary tonga hatrany amin’ny firenena 140, ary ny bokin’i Derek dia efa misy amin’ny fiteny mihoatra ny 50 ankehitriny.

Ankehitriny, ny asa fanompoana Derek Prince dia manana birao mihoatra ny 45 manerana izao tontolo izao ary mijanona amin’ny fo manontolo manolo-tena amin’ny fampianarana Baiboly amin’ny firenena, kolon-tsaina ary fiteny rehetra. Ny fitomboana sy ny fahombiazan’ny asa fanompoana dia manamarina ny tenin’ny faminaniana noraisin’i Derek tamin'ny taona 1941, rehefa niteny ny Tompo hoe:

Ho tahaka ny renirano kely izy io. Ny renirano kely dia ho lasa renirano. Ny renirano dia ho lasa renirano lehibe. Ny renirano lehibe dia ho lasa ranomasina. Ny ranomasina dia ho lasa ranomasimbe mahery, ary izany dia amin’ny alalanao; Fa ahoana, tsy tokony ho fantatrao, tsy afaka ho fantatrao izany, ary tsy ho fantatrao.

Ny fahamarinan’Andriamanitra tamin’ny Teny izany no nitarika ny Asa Fanompoana Derek Prince ho amin’ny toerana misy azy ankehitriny ary hanohy hitondra ny asa fanompoana ho amin’ny “ranomasimbe mahery” izany.

Ampitaovana amin’ny tahirin-tsoratra marobe, feo ary horonan-tsary nataon’I Derek Prince, ny asa fanompoana dia mbola manohy mamoaka boky vaovao. Hatramin’izao, mihoatra ny 100 ny boky navoaka ary efa nadika tamin’ny fiteny mihoatra ny 100.

Fanontaniana mahazatra

Jereo ny fanontaniana matetika apetraka momba an’i Derek Prince; ny fiainany sy ny asa fanompoany.

Maimaim-poana misintona

Mahazoa ny fampianarana maimaim-poana avy amin'i Derek Prince rehefa misoratra anarana amin'ny fanavaozana ny vondrom-piarahamoninay ianao.

Mpiara-miasa Aminay

Tohanoy ny iraka ataonay hampianatra ny Baiboly sy hizara ny herin'ny Tenin'Andriamanitra manova fiainana.

Izay Inoantsika

Fanambarana ny finoana.

Andriamanitra no hany Andriamanitra marina sy velona izay misy mandrakizay amin'ny maha tsangan’aina telo azy, dia ny Ray, ny Zanaka ary ny Fanahy Masina; ary Izy dia Fanahy, tsy manam-petra, mandrakizay, tsy miova amin’ny fitiavany, ny famindram-pony, ny heriny, ny fahendreny ary ny fahamarinany.
I Jesoa Kristy Tompo no Zanak’ Andriamanitra; fa tonga nofo Izy tamin’ny fahaterahan’ny virijiny; fa tanteraka Izy na amin’ny maha-Andriamanitra Azy na amin’ny maha-olombelona Azy; fa nanolotra an-tsitrapo ny ainy ho sorona fanoloana tonga lafatra sy ampy ho an’ny fahotan’ny olombelona Izy; fa amin’ny alalan’ny Sorompanavotany dia afaka mahafantatra ny fahafahana amin’ny sazy sy ny meloka ary ny vokatry ny fahotana ny olona; fa nitsangana tamin’ny maty Izy tao amin’ny vatany ara-nofo sy be voninahitra izay ipetrahany ankehitriny any an-danitra, manao fifonana ho an’ny mino; ary ho avy indray amin’ny vatany be voninahitra Izy mba hanorina ny fanjakany.
Ny Fanahy Masina dia mitovy amin’ny toetran’Andriamanitra rehetra amin’Andriamanitra Ray sy amin’Andriamanitra Zanaka; manao ny fahagagana amin’ny fahateraham-baovao amin’ireo izay mandray an’i Kristy ho Mpamonjy ary mitoetra ao amin’ny mpino ankehitriny; manisy tombo-kase azy ho amin’ny andro fanavotana; manome hery azy ireo amin'ny fanompoana; ary manome fanomezam-pahasoavana (fanomezam-pahasoavana karismatika) ho fanorenana ny tenan’i Kristy.
Ny fahamarinana dia tanteraka sy tanjona. Ny fahamarinana manavotra dia apetraka ao amin’ny Soratra Masina ao amin’ny Testamenta Taloha sy Vaovao, izay fanambarana an-tsoratra avy amin’Andriamanitra ho an’ny olombelona, ara-tsindrimandry am-bava sy tsy misy diso ao amin’ireo sora-tanana tany am-boalohany. Ny Baiboly no fahefana fara tampony sy farany amin’ny resaka finoana sy fanao rehetra.
Ny Fiangonana dia vatana iraisan’i Kristy eto an-tany izay misy ho an’ny fiombonana sy ny fampandrosoana ary ny fampitana ny filazantsara amin’ny firenena rehetra amin’ny alalan’ny fiainana sy ny fijoroana ho vavolombelona kristiana.
Nohariana araka ny endrik’Andriamanitra ny olona, kanefa noho ny fahotan’i Adama dia tafasaraka tamin’Andriamanitra ary voaheloka ho amin’ny sazy mandrakizay. Ny hany fanafodiny ho an’ny toetry ny olombelona dia ny famonjena amin’ny alalan’ny finoana manokana ny olona sy ny asan’i Jesoa Kristy.
Misy zava-mananaina manokana mihoatra ny voajanahary voafetra, anisan'izany ny anjely tsy lavo, ny anjely lavo ary ny demonia. Satana, mpitarika ny anjely lavo, no fahavalo miharihary sy ambara ho fahavalon’Andriamanitra sy ny olona, ary voaheloka ho any amin’ny farihy afo.
Hisy fitsanganan’ny nofon’ny voavonjy sy ny very; izay ho voavonjy ho amin'ny fiainana mandrakizay, ary izay very ho amin'ny fanamelohana mandrakizay.

Isaia 45:22; Salamo 90:2; Jaona 4:24; 2 Korintiana 13:14
Matio 1:18–25; Jaona 1:14; Kolosiana 1:13–18; 1 Petera 2:24; Lioka 24; Hebreo 4:14; Matio 25:31–46
Efesiana 4:30; 1 Korintiana 6:19; 12:4, 7, 12–13; Asan’ny Apostoly 1:5; Titosy 3:5
Matio 5:18; 2 Timoty 3:15–17; 2 Petera 1:20–21
Matio 28:19–20; Asan’ny Apostoly 1:6–8, 2:41–42; 1 Korintiana 12:13
Jaona 3:15–18; Efesiana 1:7; Romana 10:9–10
Hebreo 1:4–14; Joda 6; Matio 25:41; Apokalypsy 20:10
1 Korintiana 15; Daniela 12:1–2; Jaona 5:28–29; 2 Tesaloniana 1:7; Matio 5:1–10

Ny Baiboly dia Tenin’Andriamanitra manokana. Fanomezana lehibe indrindra avy amin’Andriamanitra izany ho an’ny olona rehetra manerana izao tontolo izao.

Derek Prince