ចូររាប់បញ្ចូលព្រះក្នុងគ្រប់ការទាំងអស់

ដេរេក ព្រីនស៍
Published: 1970
Last Updated: septembre 2026
Read Time: 2
តើអ្នកធ្វើផែនការសម្រាប់អនាគតរបស់អ្នក ដោយមិនបានទទួលស្គាល់ជាមុនថា អ្នកពឹងផ្អែកទាំងស្រុងលើព្រះហឫទ័យរបស់ព្រះអម្ចាស់ឬ? ចូររៀនបន្ទាបខ្លួននៅចំពោះព្រះ ដោយទទួលស្គាល់ថា ជីវិតរបស់យើងប្រៀបដូចជាអ័ព្ទ ដែលមានជីវិត និងបន្តទៅមុខបានដោយសារព្រះគុណរបស់ទ្រង់ប៉ុណ្ណោះ។
នេះគឺជាពាក្យរបស់លោក ដេរេក ព្រីនស៍ ដែលបានដកស្រង់ពីព្រះបន្ទូលនៃព្រះសម្រាប់លោកអ្នក។
ឥឡូវនេះ ឯពួកអ្នកដែលថា ថ្ងៃនេះ ឬថ្ងៃស្អែក យើងនឹងទៅឯក្រុងណាមួយ ហើយនឹងនៅស្រុកនោះអស់១ឆ្នាំ ដើម្បីនឹងរកស៊ីឲ្យបានចំណេញ អ្នករាល់គ្នាមិនដឹងជានឹងកើតមានយ៉ាងណាដល់ថ្ងៃស្អែកទេ ត្បិតជីវិតអ្នករាល់គ្នាជាអ្វី គឺជាចំហាយទឹកទេតើ ដែលឃើញតែ១ភ្លែត រួចបាត់ទៅ។ [យ៉ាកុប ៤:១៣-១៤]
តើអ្នកមិនធ្លាប់ឃើញមនុស្សជាច្រើននិយាយបែបនេះទេឬ? ពួកគេរៀបចំផែនការយ៉ាងជឿជាក់សម្រាប់ឆ្នាំនេះ ឆ្នាំក្រោយ ថាតើពួកគេនឹងធ្វើអាជីវកម្មនៅឯណា វិនិយោគប្រាក់នៅកន្លែងណា ទៅសម្រាកលំហែកាយនៅទីណា ហើយនឹងស្នាក់នៅទីនេះ ឬទីនោះរយៈពេលប៉ុន្មាន។ជាច្រើនដង ពួកគេថែមទាំងរៀបចំផែនការជាច្រើនឆ្នាំទៅមុខ សម្រាប់ពេលចូលនិវត្តន៍ និងទីកន្លែងដែលពួកគេនឹងរស់នៅក្រោយពេលចូលនិវត្តន៍។ ប៉ុន្តែពួកគេបានមើលរំលងការពិតដ៏សំខាន់មួយ គឺថា ពួកគេមិនមែនជាអ្នកគ្រប់គ្រងលើអ្វីៗទាំងអស់នោះទេ។
ព្រះបន្ទូលនេះមានប្រសាសន៍ថា អ្នកគ្រាន់តែដូចជាអ័ព្ទដែលលេចឡើងមួយភ្លែត រួចក៏រលាយបាត់ទៅវិញ។ ដូច្នេះ វាពិតជាមិនមានប្រាជ្ញាឡើយ ដែលអ័ព្ទមួយរៀបចំផែនការយ៉ាងប្រាកដប្រជាបែបនោះ!តើដំណោះស្រាយគឺជាអ្វី? ព្រះបន្ទូលបន្តថា៖ «ផ្ទុយទៅវិញ អ្នករាល់គ្នាគួរតែនិយាយថា៖ បើព្រះអម្ចាស់សព្វព្រះហឫទ័យ យើងនឹងរស់ ហើយធ្វើការនេះ ឬការនោះ»។
អ័ព្ទមិនអាចគ្រប់គ្រងថា វានឹងទៅទីណាបានឡើយ។ នៅពេលព្រះអាទិត្យរះឡើង វានឹងរលាយបាត់ទៅ ហើយនៅពេលខ្យល់បក់ វានឹងត្រូវបក់នាំទៅឆ្ងាយ។ដូចគ្នានេះដែរ អ្នកពឹងផ្អែកទាំងស្រុងលើព្រះ សម្រាប់រាល់ដង្ហើមដែលអ្នកដក និងគ្រប់ជំហានដែលអ្នកដើរ។ ដូច្នេះ កុំរៀបចំផែនការជីវិតរបស់អ្នកដោយមិនរាប់បញ្ចូលព្រះឡើយ។ កុំប្រព្រឹត្តដោយឥតប្រាជ្ញាបែបនេះ។ចូរបន្ទាបខ្លួនមួយភ្លែត ហើយទទួលស្គាល់ថា ជីវិតរបស់អ្នកគឺដូចជាអ័ព្ទប៉ុណ្ណោះ ដែលលេចឡើងក្នុងរយៈពេលដ៏ខ្លី រួចក៏រលាយបាត់ ឬត្រូវខ្យល់បក់នាំទៅ។ ដូច្នេះ ចូររស់នៅដោយពឹងផ្អែកលើព្រះ និងទទួលស្គាល់ព្រះអង្គនៅក្នុងគ្រប់ផែនការនៃជីវិត។
ចូរគិតដល់ព្រះក្នុងគ្រប់ការទាំងអស់។ ចូររៀបចំផែនការរបស់អ្នកដោយដាក់ព្រះជាចំណុចសំខាន់ ហើយព្រះអង្គនឹងថែរក្សា ឱ្យផែនការរបស់អ្នកបានសម្រេច និងរីកចម្រើនឡើង។

Téléchargement gratuit
Cette méditation peut être téléchargée, imprimée et partagée pour un usage personnel ou en Église.
Code: WD-WFTW-005-KHM









