Tarix
Hər şey 1971-ci ildə Derek Prinsin Floridanın Fort Lauderdeyl şəhərindəki evinin qarajında rəsmi olaraq bir ofis açması ilə başladı. Əvvəlcə "Derek Prins Nəşriyyatı" kimi tanınan bu təşkilat Derek Prinsin çiçəklənən Müqəddəs Kitab təlim xidmətinin bəhrəsi idi. Bu xidmətin toxumu 1944-cü ildə Rəbbin ona dediyi sözlərlə səpilmişdi:
"Sənə bir çoxları üçün Məsih İsada olan həqiqət, iman və məhəbbətlə Müqəddəs Yazıların müəllimi olmaq tapşırılır".
Bu sözlər Derek Prinsin ruhani aclıq çəkənləri qidalandırmaq səylərini alovlandırdı və onu "Müqəddəs Kitab üzrə müstəqil öyrənmə kursu" (1969), "Azad edən həqiqət" (1966), "Tövbə və iman" (1966), eləcə də, digər kitablar yazmağa və öz hesabına nəşr etdirməyə ruhlandırdı. Bu kitabların uğuru və Allahın sədaqətinin bir sübutu olaraq, "Derek Prins Nəşriyyatı" durmadan artan tələblə böyüdü.
1972-ci ilə qədər iş həcmi Derekin tək işçi kimi imkanlarını aşmışdı və kömək üçün David Selby (kürəkəni) dəvət edildi. Birlikdə onlar inkişaf edən xidmət üçün radio yayımlarına qoşularaq və yeni kitablar nəşr etdirərək bir yol müəyyənləşdirdilər.
1980-ci illər ərzində Yeni Zelandiya, Cənubi Afrika, Avstraliya, Kanada, Birləşmiş Krallıq və Hollandiyada xarici ofislər açıldı. Onların xalqları şagird etmək arzuları daha da möhkəmləndi. Onuncu ilin sonunda Derek Müqəddəs Kitab üzrə təlimlər verərək üç dünya səyahətini bitirdi. Onun radio proqramları altı qitədə və on dildə geniş yayımlanırdı.
1990-cı ildə "Derek Prince Nəşriyyatı" rəsmi olaraq "Derek Prince Ministries" adlandırıldı. Pulsuz Müqəddəs Kitab təlim materiallarının paylanması 140 ölkəyə çataraq genişləndi. Derekin kitabları artıq 50-dən çox dildə mövcud idi.
Bu gün "Derek Prince Ministries" dünyanın 45-dən çox ölkəsində ofislərə malikdir və Müqəddəs Kitabı hər millətdə, mədəniyyətdə və dildə öyrətməyə tam sədaqətli olaraq qalır. Xidmətin böyüməsi və uğuru, Rəbbin 1941-ci ildə Derekə verdiyi peyğəmbərlik sözünü təsdiqləyir:
"Kiçik bir axın kimi olacaq. Axın böyüyüb bir çaya çevriləcək. Çay böyük bir çaya çevriləcək. Böyük çay dənizə çevriləcək. Dəniz qüdrətli bir okeana çevriləcək və bu, sənin vasitənlə olacaq; amma necə olacağını bilməməlisən, bilə bilməzsən, bilməyəcəksən".
Allahın bu Sözünə olan sədaqəti “Derek Prins Ministries”-i bu günə gətirib çıxartdı və bu xidməti “böyük okean”a çevirməyə davam edəcək.
Derek Prinsin yazılı, səsli və vizual materiallarının geniş arxivinə sahib olan xidmət, yeni kitablar nəşr etməyə davam edir. Bu günə qədər 100-dən çox kitab nəşr olunub və 100-dən çox dilə tərcümə edilib.
