Ukwera Binyuze mu Kwizera

Dushobora kumenya ko ububyutse buri hano igihe abantu b'Imana bashishikajwe cyane no kuba abera kuruta gukira. Urugero rw'ibyo duha agaciro ntabwo rukwiye. Ndamutse nteguye amateraniro yo gukiza, abantu baza bahurura, ariko ndamutse ngiye kwigisha ku kwera, umubare w'abitabira wagabanuka. Mu by'ukuri, kwera biruta cyane gukira. Gukira ni iby'igihe gito kandi bizagufasha muri ubu buzima gusa. Imana ishimwe kubwa byo. Ariko kwera ni ibyo iteka ryose; bizabana nawe iteka mu ijuru. Hari ikintu kigomba kuba ku bw'imbaraga z'Umwuka Wera kugira ngo duhindure uburyo tubona agaciro k'ibintu.

“Kandi none mbaragije Imana n’ijambo ry’ubuntu bwayo, ribasha kububaka no kubahana ibirangwa n’abejejwe bose.” (Ibyakozwe n'Intumwa 20:32)

Umurage ni uw'abejejwe. Iki gice cy'Ibyanditswe kivuga ko Ijambo ry'Imana rishobora kukugeza muri uwo murage. Ariko se noneho kwera kugerwaho gute mu nzira y'Imana iruta iyindi, ari ryo sezerano rishya? Yesu yatumye Sawuli w'i Taruso ubwo yihishuriraga Sauli bwa mbere (waje kuba Pawulo nyuma). Yagize ati:

“Ngukize ab’ubwoko bwanyu n’abanyamahanga ari bo ngutumyeho, kugira ngo ubahumure amaso na bo bahindukire bave mu mwijima bajye mu mucyo, bave no mu butware bwa Satani bajye ku Mana, bahereko bababarirwe ibyaha byabo baraganwe n’abejejwe no kunyizera.” (Ibyakozwe n’Intumwa 26:17–18)

Dushobora kwezwa binyuze mu gukurikiza amategeko yose y'Isezerano rya Kera—niba tuyakurikiza igihe cyose. Ariko kandi, ibi ntibishoboka ku bantu banyabyaha. Indi nzira itandukanye cyane—ntinyura mu gukurikiza amategeko, ahubwo ni ukwizera Yesu.