Umukiranutsi kandi Utsindishirijwe

"Nkanswe none ubwo tumaze gutsindishirizwa n'amaraso ye, ntituzarushaho gukizwa umujinya w'Imana na we?" (Abaroma 5:9)

Igihe cyose dusanze ijambo "gutsindishirizwa" muri Bibiliya, dushobora kurisimbuza ijambo "gukiranuka." Ibi ni ukuri mu Giheburayo cy'Isezerano rya Kera no mu Kigiriki cy'Isezerano Rishya. Abasemuzi b'Ubuhinduzi bwa Bibiliya ya King James [mu Cyongereza] bwasimburanyaga iryo jambo rimwe na rimwe bakarikoresha nko "gukiranuka" cyangwa "gutsindishirizwa." Bakoreshaga ijambo "gutsindishirizwa" mu bijyanye n'ibikorwa by'amategeko, naho ijambo "gukiranuka" mu bijyanye n'imibereho y'ubuzima bwa buri munsi. Ariko ni ijambo rimwe kandi risobanura kimwe.

Ikibazo kiza mu gukoresha ijambo gutsindishirizwa, rikunze gukoreshwa mu buryo bw'ubucamanza mu rukiko rwo mu ijuru. Ariko uku kurikoresha bisobanura gukoresha igice kimwe gusa cy'ubusobanuro bw'iri jambo. Gutsindishirizwa bisobanura kugirwa udafite icyaha, cyangwa umukiranutsi. Ijambo umukiranutsi riza mu buzima bwacu bwa buri munsi — mu ngo zacu, aho dukora, cyangwa mu mibanire yacu bwite n’abandi. Gutsindishirizwa bigaragaza uburyo bw'ubucamanza bukorwa mu rukiko. Ibyanditswe biravuga (kandi ibi ni ubusobanuro bwemewe kandi bukwiye) ko twahinduwe abakiranutsi n'amaraso ya Yesu. Ntidushobora kwiyumvamo ko twatsindishirijwe niba tutarahindutse abakiranutsi. Gutsindishirizwa birenze umuhango w'ubucamanza cyangwa guhindura amazina. Ni ihinduka ry'imico n'ubuzima, kandi rikorwa n'amaraso ya Yesu. Twahinduwe abakiranutsi n'ubukiranutsi butari ubwacu — ubukiranutsi bwa Yesu Kristo.