Tsari na Allah

"Gama kai ka sifanta kayan cikina, ka harhaɗa ni cikin cikin uwata. Zan yi godiya gareka, gama ƙirata abin ban tsoro ce, abin al’ajibi ce kwa; ayyukanka suna da ban al’ajibi wannan ma raina ya sani sarai. Yanayina ba a ɓoye ya ke a gareka ba, sa’anda aka yi ni a fakaice, sa’ad da aka sifanta ni da gwaninta daga cikin zurfafan duniya." (Zabura 139:13–15)

Idan na dubi jiki a zahiri, nakan cika da tsoro. Abin da ya haɗu ya zama jikina Allah ne ya tsara shi ya kuma harhaɗa shi a duniya tun kafin ya shiga jikina. Allah ya shirya abin da zai zama jikina wata rana.

"Ka ganni kafin a haife ni. Ka ƙididdige kwanakin da ka ƙaddara mani. Duka an rubuta su a littafinka [‘gaboɓina’]. Tun kafin faruwar kowannensu." (aya ta 16)

Allah yana da tsari na jikunanmu kafin su kasance. Kwatanta wannan ayar da abin da Yesu ya faɗa a cikin Luka 12:7:

"Kai! Ko da gashin kanku ma duk a ƙidaye yake. Kada ku ji tsoro; ai martabar ku ta fi ta gwara masu yawa."

Wannan magana tana nuna zurfin kulawar Allah ga jikkunanmu na zahiri—har ma ya ƙididdige gashin kanmu. Idan muka fahimci wannan, wajibi ne mu yarda cewa Allah yana da manufa a kan wannan aiki mai ban mamaki, wanda aka bayyana a cikin 1 Korintiyawa 6:19–20:

"Ashe ba ku sani ba, jikinku Haikali ne na Ruhu Mai Tsarki, wanda yake a zuciyarku, wanda kuka kuma samu a gun Allah? Ai ku ba mallakar kanku ba ne? Sayenku aka yi da tamani; To, sai ku ɗaukaka Allah da jikinku."