Dangantaka mai zurfi

Idan muka dubi littafin Ayuba, za mu ga wasu abubuwan ban mamaki game da jiki. Ta hanyoyi da yawa, akwai kyakkyawar alaƙa tsakanin littattafan Farawa da Ayuba. Ayuba 10:8–12 kyawawan bayanin aikin Allah na halittar jikunanmu a taƙaice. Aya ta 8 ta ce:

"Da ikonka ne ka yi ni, ka siffata ni, dagantaka mai zurfi."

Kamar yadda yake a cikin Farawa 2:7, inda kalmar "sifantawa" ke bayyana aiki mai kyau a sakamakon kulawa mai yawa, haka littafin Ayuba ya jaddada ƙwarewa da kulawar da Allah ya sa wurin sifanta jikin ɗan adam:

"Hannuwanka suka siffata ni, suka harhaɗa ni, duk da haka kana hallaka ni. Ka tuna ina roƙon ka, ka sifanta ni kamar kwaɓaɓɓiyar ƙasa, za ka koma ka maishe ni turɓaya? Ba ka tsiyayadda ni kamar madara ba, Ka daskare ni kamar chuku ba? Ka suturce ni da fata da nama, Ka gangama ni da ƙasusuwa da gurunguntsi." (Ayuba 10:8–11)

Wannan bayani ne a fili! Wannan kyakkyawan hoto ne na alaƙar da ke tsakanin sassa dabam dabam na jiki. Mun ci gaba da karantawa a aya ta 12:

"Kai ne ka ba ni rai da madawwamiyar kauna, kulawarka ce ta sa ni rayuwa."

A can gaba cikin littafin Ayuba, muna da wani abu - ɓangare na ruhaniya - game da yanayin ɗan adam:

"Amma akwai Ruhu a cikin mutum, Lumfashin Mai Iko Duka kuma ya kan ba shi fahimta" (Ayuba 32:8)

Waɗannan kalmomi na Ayuba suna da cikakkiyar amincewa da waɗanda ke cikin Farawa. Haɗakar numfashin ne na Allah daga sama da yumɓun da ke ƙasa ya kawo cikakkiyar kasancewar ɗan adam.