Furta Bangaskiya

Ubangiji ya nuna mani cewa Krista da yawa, idan suka dubi baya, za su yarda cewa sun yi furci marasa kyau. Wataƙila ka yi magana a kan abin da ba za ka iya yi ba ko kuma ka tattauna gazawarka da takaicinka. Amma, ka ga, furcin mu shi ne ke ƙudurta inda muke nufa.

Akwai kyakkyawan misali na irin wannan gaskiyar a cikin labarin 'yan leƙen asiri goma sha biyu da Musa ya aika zuwa Ƙasar Alkawari. Biyu suka zo da kyakkyawa furci, goma kuma munana. Isra'ilawa da yawa sun yi na’am da munanan furcin, "Ba za mu iya ba." kyakkyawan furcin shi ne, "Za mu iya." Dukan Isra'ilawa suka ɗauki matsayar makomarsu ta hanyar furcin. Waɗanda suka ce, "Ba za mu iya ba" ba su iya ba. Waɗanda kuma suka ce, "Za mu iya" sun iya yi ɗin.

Wataƙila ka faɗi wasu munanan kalmomi, maganganun da ba su ɗaukaka Yesu ba, ko kuma ka saya a kan takaicin da ke riƙe ka ka zama mara ƙarfi ko kasasshe kawai. Idan muka furta gazawa, gazawa ce za ta zama rabon mu. Idan muka furta bangaskiya, Allah ne zai zama rabon mu. Ka fada wa Allah, "Ya Ubangiji, na tuba. Ban barka ka yi abin da ya kamata ba; saboda rashin bangaskiya ta da munanan tunanina, na takaita abin da za ka iya yi a rayuwata." Aya ta ce:

"In kuwa muka bayyana zunubanmu, to, Shi mai alƙawari ne, mai adalci kuma, zai kuwa gafarta mana zunubanmu, ya tsarkake mu daga dukan rashin adalci" (1 Yahaya 1:9)

Idan ka ƙi munanan furci, ka gode wa Allah da ka fito daga wannan kwarin kaɗaicin mai duhu. Ka ce, "Zan iya yin komai albarkacin wannan da yake ƙarfafa ni," wadda ita ce fassarar Filibiyawa 4:13 ta zahiri.