Jinin Yesu

Sau huɗu a cikin Yahaya 6, Yesu ya yi magana game da Mai Bi, "Zan tashe shi a ranar ƙarshe" (dubi ayoyi 39, 40, 44, da 54). Tashin matattu ɓangare ne na ceto.

"Duk wanda suke cin naman jikina, ya ke kuma shan jinina, yana da rai madawwami, ni kuma zan tashe shi a ranar ƙarshe. Domin naman jikina abinci ne na hakika [abincin gaske], jinina kuma abin sha ne [abin sha na gaske]. Duk wanda suke cin naman jikina, ya ke shan jinina, a cikina yake zaune, ni kuma a cikinsa." (Yahaya 6:54–56)

Kalmomin nan ci, sha, da kuma zaune masu ci gaba ne: “Wanda yake cin namana, ya kuma ci gaba da shan jinina, yana zaune a cikina, ni kuma a cikinsa.”

A bayyane yake cewa Ubangiji ya ba da muhimmanci sosai ga cin namansa da shan jininsa. Ba ni ne mai iko na ƙarshe ba, amma na gaskata cewa yana magana ne a kan Jibin Ubangiji.

A wani lokaci, ina zaune a wani gari na Larabawa tare da Krista Larabawa. Idan suna cin Jibin Ubangiji, sai su ce, "Bari mu sha jinin Yesu." Ina ganin waɗannan Krista Larabawa sun sami hoton abin da kyau. Shan jinin Yesu tarayya ce.

Wani abu a cikinmu yana cewa, "Ba na son tunanin shan jini." Na tuna cewa ya ɗauki shekaru kafin in saba da wannan maganar. Amma domin samun rai madawwami, dole ne mu sha jinin Yesu mu ci namansa.