Ci gaba da Faɗa!

A karo na farko da zamu yi wannan furucin, Shaiɗan zai yi mana dariya. Muna buƙatar ci gaba da faɗarsa. Shaiɗan majarabci ne, amma yana da tsari sosai kuma baya ɓata lokaci. Zai jarabce ka matuƙar ya sami martani daga gare ka. Idan babu wani martani, ba zai damu ya jarabce ka ba.

Don haka, za mu iya fuskantar jaraba, bari mu ce, a fannin fushi. Dole ne mu ci gaba da cewa, "An gicciye shi. Ba shi da iko a kai na. Ba shi da wuri a cikina." Shaidan yana cewa, "Wannan ba gaskiya ba ne. Wannan abu ne kawai da ɗan'uwa Prince ya faɗa." Amma muna ci gaba da faɗinsa. Kuma bayan wani lokaci, sai ya zama har Shaiɗan ba ya ɓata lokacinsa wajen ƙoƙarin sake jarabtar mu.

Ɗaya daga cikin abubuwan da ya kamata mu yi shi ne gina wa halayenmu ganuwa. Littafi Mai Tsarki ya ce mutumin da ba shi da iko a kan ruhunsa yana kama da birni wanda ya rushe ba shi da ganuwa kuma (dubi Karin Magana 25:28). A cikin al'adunmu a yau, mutane da yawa suna girma kamar ganuwar da ta fadi saboda munanan gidaje, shan ƙwayoyi, ko rinjayen mugunta. Duk wanda ya yi zurfi cikin shan ƙwayoyi tabbas birni ne wanda ba shi da ganuwa mai kariya. Muna gina ganuwar ta hanyar ƙarfafa nufinmu da kuma tabbatar da haƙƙukuwan da muka samu ta wurin giciye. Za mu iya ɗaukar wannan tsari a matsayin mummunan ɗanɗano. Amma ba mu san irin alherin da yake yi mana ba; a ƙarshe duka, mun gina hali mai ƙarfi. Baye baye na ɗan lokaci ne, a wannan rayuwa kadai; hali kuwa na dindindin ne - yana tafiya tare da mu har abada. Allah yana son halinka fiye da baiwar ka.