Ikon Azumi

"Duba, a ranar da kuke azumi, nishaɗin kanku kuke nema, kuna kuna zaluntar dukan ma'aikatanku. Duba, kuna azumi don ku yi jayayya ne, kuyi fada, ku yi ta naushin juna.... irin azumin da nake so ke nan? Wato ranar da mutum zai kaskantar da kansa kawai? Wato ya sunkuyar da kansa ne kamar jema?" (Ishaya 58:3–5)

Ga mutanen da aka bayyana a nan, azumi wani ɓangare ne da aka yarda da shi a matsayin bangaren ibada kawai, irin azumin da Farisawa ke yi a zamanin Yesu. Maimakon tuba na gaskiya ko tawali'u, sai su ci gaba da al'amuran duniya na yau da kullun kuma suna riƙe da munanan halaye na kwaɗayi, son kai, girman kai, da zalunci.

Irin azumin da ke faranta wa Allah rai, a bangare guda kuma, yana samuwa ne ta wurin manufofi da halaye daban:

"Wato ku kwance sarƙoƙin mugunta, ku kwance masu karkiya, ku 'yantar da waɗanda aka zalunta, ku kakkarye kowace karkiya" (aya ta 6)

Nassoshi da gogewa sun tabbatar da cewa akwai kangi da yawa da ba za a iya kwancewa ba, damuwoyii da ba a iya magancewa ba, karkiya da ba ta karyu ba, da kuma wadanda ake zalunta waɗanda ba za su taɓa samun 'yanci ba har sai mutanen Allah - musamman shugabanninsu - sun yi biyayya da kiran Allah na yin azumi da addu'a na gaskiya.

Ishaya ya ci gaba da bayyana halayen da suka dace ga mabukata da waɗanda aka zalunta:

"Ku ci abincinku tare da mayunwata, ku kuma shigo da matalauta, marasa muhalli a cikin gidajenku. idan kuma kun ga wanda yaje tsirara, ku sa masa tufafi, kada kuma ku ɓoye fuskarku ga ‘yanuwanku" (aya ta 7)

Dole ne a haɗa azumi da sadaukarwa ta zahiri a cikin mu'amalarmu da waɗanda ke kewaye da mu - musamman waɗanda ke buƙatar taimakonmu na kayayyaki ko na kuɗi.