Wankewa da Sabuntawa

Shirin ceto ya ƙunshi wankewa da sabuntawa.

“Ya cece mu, ba ta wurin ayyukan adalci da muka yi ba, amma bisa ga jinƙansa, ta wurin wankan maya haihuwa da sabuntawa ta Ruhu Mai Tsarki” (Titus 3:5)

Bari mu dubi waɗannan ra'ayoyi a taƙaice, mu fara da wankewa, ko tsarkakewa. Zunubi yana ƙazantarwa. Mu ƙazantattu ne a ruhu, kuma muna buƙatar tsarkakewa. Jinin Ubangiji Yesu Kristi ne kaɗai zai iya tsarkake mai zunubi daga dukan zunubi. Ta yaya za mu iya samun wannan tsarkakewar?

“Idan muka faɗi zunuban mu, Shi mai alkawari ne mai adalci kuma da za ya gafarta mana zunubanmu kuma ya tsarkake mu daga dukan rashin adalci” (1 Yohanna 1:9)

Allah ba gafarta mana abubuwan da muka taɓa yi kaɗai ya ke yi ba, Yana kuma tsarkake mu daga dukan ƙazanta ta zunubi. A cikin wannan sura, Yohanna ya ce jinin Yesu, Ɗan Allah, ne yake tsarkake mu (dubi aya ta 7).

Mataki na biyu na wannan shirin shi ne Sabuntawa, ko sake haihuwa. Yesu ya ce wa Nikodimus:

“Hakika, hakika ina gaya maka, idan ba a haifi mutum daga bisa ba, ba shi da iko ya ga mulkin Allah” (Yohanna 3:3)

Wannan haihuwa ce ta ruhaniya da Allah ke aiwatarwa daga sama. A gaba kaɗan, Yesu ya ce:

“Abin da aka haifa daga jiki, jiki ne; abin da aka haifa daga Ruhu, ruhu ne” (Yohanna 3:6)

Sa'ad da uwayen mu suka haife mu, haifuwa ce ta jiki da halanyen mu na mutuntaka. Wannan ba irin haifuwar da ke kawo ceto ba ce. Dole ne mu karɓi sabuwar rayuwa gaba ɗaya da Ruhun Allah ke aiwatarwa a cikin zukatan mu daga sama. Wannan ita ce sabuntawa, ko kuma sake haifuwa.