Girmama Jinin Yesu

Idan muka dubi ikon tsarkakewa na jinin Yesu, za mu so mu binciki wata aya daga Ibraniyawa da ke magana game da wanda ya ridda—wato, mutumin da ya rabu da bangaskiyar Krista, bayan ya san ta, ya zama mai musun Ubangiji Yesu Kristi da gangan. Tana magana game da dukan abubuwa masu tsarki da ya ƙi kuma, a wata ma’anar, ya ƙazantar da su:

“To mutumin da ya raina Ɗan Allah, ya kuma tozarta jinin nan na tabbatar alkawari, wanda aka tsarkake shi da shi, har ya wulaƙanta ruhun alheri, wane irin hukunci mafi tsanani kuke tsammani ya cancanta fiye da wancan ?’

(Ibraniyawa 10:29)

A bayyane yake a cikin wannan ayar cewa an tsarkake mu da jinin alkawari. Amma sai ga mutumin da aka tsarkake da jinin Sabon Alkawari ya juya baya. Bari mu dubi ma’anar tattake jinin Yesu a ƙarƙashin ƙafa. Wannan zancen yana da alaƙa da bikin Idin Ƙetarewa, inda aka shafa jinin a kan ginshiƙin ƙofa da madogaran ƙofofi, amma ba ga bakin kofa ba. Ba za mu taɓa nuna raini ga jinin Yesu ba.