Ma'anar Baratarwa

“Balle fa yanzu, baratattu ne ta wurin jininsa, za mu tsira daga fushin Allah ta wurinsa.” (Romawa 5:9)

Kalmar da aka fassara da "barata" na da ma'ana iri iri masu alaƙa da juna.

Da farko, tana da ma'anar doka. Bisa ga ma'ana ta doka, tana nufin cewa an kuɓutar da mu, an yafe mana dukan laifofin mu. Muna gaban shari'a, amma an kuɓutar da mu. Wannan labari ne mai kyau sosai. Ka yi tunanin yadda mutumin da ake tuhuma da kisan kai zai ji idan ya gane cewa an kuɓutar da shi. Ka yi ƙoƙarin tunanin hakan. Mu ma ya kamata mu ji daɗin hakan.

Na biyu, ba mu da laifi.

Na uku, an ɗauke mu masu adalci.

Mutane da yawa sun tsaya a nan. Amma ina tabbatar muku cewa cikakkiyar ma'anar kalmar ta fi haka. Mu ma an maishe mu masu adalci. Jinin Yesu ba wai kawai yana sa a ɗauke mu masu adalci ba ne, da gaske ya maishe mu masu adalcin.

Daga nan, aka baratar da mu. Wannan na nufin kamar dai ban taɓa yin zunubi ba. An maishe mu masu adalci da adalcin Almasihu, wanda ba shi da wata mummunar rayuwa ko kuma wani laifi, wanda Shaiɗan ba zai iya zargarmu da shi ba. An maishe mu masu adalci da adalcin Yesu. Ta wurin adalcin Almasihu ne aka baratar da mu. Marasa laifi, babu wata matsala da rayuwar mu ta baya. An kawar da komai.