Tsarkakewa Nan Take

Shaida ta bisa ga kalmar da ke sama za ta kasance, “Yayin da nake tafiya cikin haske, jinin Yesu yana tsarkake ni, a yanzu kuma da koyaushe, daga dukan zunubi.” Na ce yana "tsarkake ni yanzu" domin wannan ya sa ta zama magana mai faruwa yanzu, ba kawai magana ta gaba ɗaya ba ce . A wuri na abinda ke faruwa ne yanzu yanzu, amma kuma yana ci gaba - har abada a nan gaba yayin da na ke ci gaba da tafiya cikin haske.

Harshen Swahili na Gabashin Afirka na da lokaci na musamman mai bayyana abubuwan da suke cikakku kuma na dindindin. A cikin wannan sananniyar waƙar, “Jinin Yesu Yana Tsarkake Mu Daga Dukan Zunubai,” suna rairawa, “Jinin Yesu yana tsarkake mu sarai kuma gaba ɗaya.” Waɗannan kalmomin waƙar sun manne mani cikin zuciya saboda sun faɗi hakan daidai. Don haka, ka ɗauki wannan furucin a matsayin abinda ke ci gaba kuma cikkake.

Akwai kyakkyawan sharhi a kan wannan gaskiyar a cikin Zabura ta 51, wadda ita ce zabura ta tuba wadda da Dauda ya rubuta bayan an same shi da laifin zina da kisan kai. Tana ɗaya daga cikin zabura mafi kyau - zaburar da ya kamata kowannen mu ya riƙa karantawa lokaci zuwa lokaci, mu mai da ita ta zama addu'ar mu. Na yarda da maida addu’o’in Zabura su zama addu'a ta; Ba kawai ina karanta su ba, amma ina karanta su a matsayin addu'a ta.

“Ka tsarkake ni da hyssop, zan kuwa tsarkaka, ka wanke ni, zan kuwa fi snow fari.” (Zabura 51:7)

Za ka lura cewa Dauda ya gabatar da hyssop. Ma'anar ita ce, hyssop shine abin da ke kawo jinin zuwa wurin da na ke. Wannan hangen annabci ne mai kyau wanda ya nuna tsarkakewa da jinin Yesu.