Tsari Mai Ci gaba

Ɗaya daga cikin tanadi na jinin Yesu mai daraja shine tsarkakewa.

“Amma idan muna tafiya cikin haske kamar yadda shi [Yesu] yake cikin haske, muna zumunta da juna, kuma jinin Yesu Kristi Ɗansa yana tsarkake mu daga dukan zunubi.” (1 Yoh. 1:7)

A cikin wannan ayar, akwai kalmomi guda uku na aikatau da ke nuna abubuwan da ake ci gaba da yi a yanzu: tafiya, zumunci, da tsarkakewa. Dole ne mu lura da hakan. Idan muka ci gaba da tafiya cikin haske, za mu ci gaba da tarayya da juna, kuma jinin Yesu za ya ci gaba da tsarkake mu.

Yana da mahimmanci a ga cewa akwai sharadi a nan. Idan muka ci gaba da yin tafiya cikin hasken Maganar Allah ta wajen yin biyayya da abin da ta ce, sakamakon farko shi ne muna cuɗanya da juna. Idan ba mu tafiya cikin haske, to, ba za mu yi zumunta ba. Idan kuma ba mu da zumunta, ba ma tafiya cikin hasken. Amma, idan muna tafiya cikin hasken kuma mu na da zumunta, to, jinin Yesu yana tsarkake mu a koyaushe.