Yin Shaida Da Kanka

“Ta gare shi ne [Kristi] muka sami fansa albakacin jininsa, wato yafewar laifofin mu, bisa ga yalwar alherin Allah.”

(Afisawa 1:7)

Duban wannan ayar a cikin maganar Allah game da jinin Yesu, zan nuna maka yadda za ka yi amfani da ita ga yanayin rayuwar ka da buƙatun ka ta wurin yin amfani da hyssop na shaidar ka.

Wannan ayar tana gaya mana abubuwa biyu da muke da su ta wurin jinin Yesu lokacin da muka karɓi Kristi. Ka tuna, idan ba ka cikin Kristi, ba za ta amfane ka ba. A lokacin Idin Ƙetarewa na farko a Masar, jinin bai kāre waɗanda ba sa cikin gidajen su ba. A cikin gidajen su ne kawai aka kāre Isra’ilawa, kuma cikin Kristi ne kaɗai za mu sami fansa da gafarar zunubai.

Na san ayar da ke sama a cikin kaina. Idan na tsaya kife a kusurwar ɗaki mai duhu a cikin dare mai duhu, zan iya faɗin wannan ayar ba tare da wata matsala ba. Ina rayuwa da wannan ayar. Ina riƙe da hyssop dina a hannu na. Gaskiya, babu wasu ‘yan kwanakin da za su wuce da ban yi amfani da wannan hyssop a rayuwata ba. Na gano da cewa tana yin aikin.