Sabon Shafin Rayuwa

Daya daga cikin abubuwan ban al'ajabi na halayen Allah shi ne idan ya gafarta, ya na gafartawa gaba daya. Littafin Mikah ya faɗi wannan gaskiyar da kyau:

“Akwai wani Allah kamarka, mai yafe mugunta, Mai kawar da laifin ringin gādonsa? Ba ya riƙon fushi har abada, gama shi Mai alheri ne. Zai sake jin juyayin mu, Ya tattake zunuban mu a ƙarƙashin ƙafafun sa. Za ka jefar da zunuban mu a cikin zurfin teku. (Mikah 7:18–19)

Ashe wannan ba abu mai kyau ba ne? Duk wani abu marar kyau da muka taɓa yi - duk abin da zai sa ka ga laifin kan ka, duk wani zargi da magabci zai iya yi mana - Allah na tattaka shi ƙarƙashin ƙafafun sa, sa'an nan ya jefa shi cikin zurfin teku.

Wani ya ce, sa'ad da Allah ya jefa zunuban ka a cikin teku, zai sa wata sanarwa da ke cewa, “BABU KAMUN KIFI A NAN!” Kada ka taɓa ƙoƙarin komawa ka tayar da wani abu da Allah ya binne. Idan Allah ya gafarta maka, an gafarta maka. Babu ƙarin tambayoyi. Gafarar Allah ta gaba ɗaya ce. A cikin Ishaya, Allah ya yi magana da mutanen sa:

“Ni, I , Ni ne na shafe laifofin ka sabili da kaina; ba ni kuwa ƙara tuna da zunuban ka ba.” (Ishaya 43:25)

Lokacin da Allah ya gafarta mana, ya na shafe dukan zunuban mu; an tsarkake rayuwar mu. Allah ba mai mantuwa ba ne, amma yana da ikon zaɓen ya manta. Kuma idan ya gafarta to, ya manta!