Kariyar Ubangiji Mai Iko Duka

An kira Zabura ta 91 “zabura ta zamanin nukiliya.” Wannan Zabura ce ta cikakkiyar kāriya daga kowace irin mugunta, haɗari, da lahani—duk yadda ya zo, ta kowace hanya ya zo, kuma kowane lokaci ya zo. Krista da yawa sun san wannan surar da kyau. Amma bari mu dubi ayoyi biyu na farko kawai:

“Wanda ya ke zaune a suturar Maɗaukaki zai dauwama a ƙarƙashin inuwar Mai Iko duka.” (Zabura 91:1)

Wannan kalmar zauna a Ibrananci na nufin “a kwana.” Kalma ce da ake yawan amfani da ita wajen cewa an kwana. Don haka wannan yana nuna mana cewa a cikin lokacin ƙuncin duhu, Mai Bi na gaskiya zai kasance a ƙarƙashin inuwar ko kuma kariyar Ubangiji Madaukaki. Lura da aya ta biyu:

“Zan ce da Ubangiji, ‘Shi ne mafaka ta da maraya ta. Allahna, gare Shi zan dogara.” (aya 2)

Wannan kalmar ita ce zaure, ƙofar shiga, zuwa cikin cikakkiyar kariya ta sauran ayoyin wannan Zabura. Shaidar ka ce: “Zan ce.” Idan ba ka fada ba, ba za ka samu ba. Kuma sai da gaba gaɗi za a faɗi sauran ayoyin da ke gaba a Zabura ta 91. Amma waɗanda suke faɗin hakan kawai ne suke da ikon yin rayuwa a cikin wannan Nassin. Kalmar da mu ke shaidawa ita ce ke sa ta yin amfani.