Zurfin Ƙaunarsa

A Ranar Kafara, dole ne a yayyafa jinin hadaya sau bakwai a gaban Allah Uba (dubi Leviticus 16:14). Mun ga wannan ƙa’idar ta cika daidai cikin hadayar Yesu a kan gicciye cikin Sabon Alkawari.

1. Guminsa ya zama jini;
2. Sojojin Romawa suka buge shi a fuska da dungun hannuwansu da kuma sanduna.
3. Suka doke shi da tufkakkiyar bulala ta Romawa;
4. Aka tsige gemunsa;
5. Aka daddanna ƙaya a cikin fatar kansa
6. Aka sossoki hannuwansa da ƙafafunsa da ƙusoshi;
7. Aka soki haƙarƙarin sa da mashi.

Wannan shine zurfin ƙaunar Kristi. Ya bayarda duk abin da yake da shi a zahiri. Ba darajar sa, da kursiyin sa, da ɗaukakar sa ta Allahntaka kaɗai ya bari ba. Ba ƴan kayayyakin duniya da ya mallaka a matsayin sa na mutum a duniya kaɗai ya yi watsi da su ba. Ya ba da Kansa. Ran sa ne ya zuba a cikin jininsa a matsayin farashin fansa. Ka yi tunani game da wannan gaskiyar mai ban mamaki kuma ka san cewa zurfin ƙaunar Allah kenan. Matsananciyar Ƙauna ce, in za a faɗa.