Cikakkiyar Hadaya

Ranar da ta fi kowace muhimmanci a shekara ga Yahudawa ita ce Ranar Kafara, wadda aka sani a yau da suna ‘Yom Kippur’. A wannan ranar ce kaɗai, babban firist zai shiga Wuri Mai Tsarki da jinin hadayun da ke rufe zunuban Isra'ila na wata shekara ɗaya.

“[Babban firist] zai ɗibi jinin bijimin ya yayyafa shi da yatsan sa a bisa mazamnin Jinƙai a gefen gabas. A gaban mazamnin Jinƙai kuma zai yayyafa jinin da yatsan sa sau bakwai.” (Leviticus 16:14)

Jinin ne kaɗai zai iya yin fansa domin zunuban mutanen Allah, kuma dole ne a kai shi gaban Allah Maɗaukaki cikin Wuri Mai Tsarki. Ina so ku lura musamman cewa an yayyafa jinin sau bakwai. Aukuwar wannan maimaitawar ba haka kawai ba ne, domin a cikin Littafi Mai-Tsarki, lamba bakwai ita ce ke nuna aikin Ruhu Mai Tsarki. Lamba bakwai kuma ita ce ke nuna kammala. Wannan ƙa’idar an cika ta daidai da yadda Yesu ya zubar da jininsa. An zubar da jininsa daidai sau bakwai kafin aka gama hadaya.