Dogara a kan Ɗan Ragon

A cikin 1 Korinthiyawa 5:7, Bulus ya haɗa Idin Ƙetarewa na Tsohon Alkawari da gicciyen Yesu:

“Da yake an riga an yanka Dan Ragon mu na Idin Ƙetarewa, wato Almasihu .”

Akwai cikakken bayyanin yadda aka haɗa Idin Ƙetarewa da hadayar Yesu a kan gicciye. Za mu iya cewa an kashe Ɗan Ragon Idin Ƙetarewa kusan ƙarni ashirin da suka shige, kuma jininsa yana cikin tasar. An zubar da jininsa, amma jinin ba zai iya kāre mu ba yayin da ya ke a cikin tasa. Dole ne mu maida jinin daga tasar zuwa wuraren da muke rayuwa.

A ƙarƙashin Tsohon Alkawari, an yi amfani da hyssop, amma me za mu yi amfani da shi a ƙarƙashin Sabon Alkawari? Amsar ita ce shaidar mu. Shaidar mu tana ɗaukar jinin daga cikin tasar kuma ta kai shi zuwa cikin “gidajen mu” - ga rayuwar mu, yanayin mu, da iyalan mu. Muna yin nasara da Shaiɗan sa’ad da muke shaida da kanmu na abin da Kalmar ta ce jinin Yesu yake yi mana.