Kawar da Zunubi

Idan muka sake duba bikin Idin Ƙetarewa na Isra’ila, mun sami wata tambaya mai zafi da za mu iya amfanin da ita a yau:

Ta yaya za mu kai jinin da aka zubar—bayan an gama hadaya— zuwa wuraren da muke zama?

Muddin dai jinin ya kasance a cikin tasar, to, ba ya yin wani amfani. Akwai shi kam, amma ba ya da tasiri. Isra’ilawan za su ɗauki wannan shukar da ake kira hyssop, su tsoma ta cikin jinin, sa’annan su yayyafa shi a gaban gidajen su a madogaran ƙofofi da kuma bisan ƙofofin. Ta haka ne kawai za a kare su. Duk da haka a cikin Idin Ƙetarewar, akwai wani abu dabam da ya riga shafa jinin.

Bari mu dubi 1 Korintiyawa, inda Bulus ya yi amfani da koyarwar Idin Ƙetarewa da Idin Gurasa marar Yisti ga Krista. Dole ne kowane iyalin Yahudawa su kawar da duk abin da aka yi da yisti a gidan su har kwana bakwai. Yahudawa yan ɗarika (watau Orthodox), har yanzu suna kiyaye wannan al'adar.

“Saboda haka ku kawar da tsohon yisti, domin ku zama sabon curi, domin haƙiƙa an raba ku da yistin. Da yake an riga an yanka Ɗan Ragon mu na Idin Ƙetatarewa, wato, Almasihu. Saboda haka sai mu riƙa idinmu ba da gurasa mai tsohon yisti ba, ba gauraye da yisti na ƙeta da mugunta ba, sai dai gurasa marar yisti ta sahihanci da ta gaskiya.” (1 Korinthiyawa 5:7–8)

Mu ma, dole ne mu kawar da tsohon yisti—zunubi—daga cikin rayuwarmu domin mu rayu cikin biyayya ga Allah. Wannan yana ba jinin damar kare kowane yanki na rayuwar mu.