Tafiya cikin Biyayya

A lokacin Idin Ƙetarewa, ana tattara jinin raguna a cikin tasa. Da zarar an maida jinin daga cikin tasoshin zuwa wuraren zama na Isra’ilawa, sun kasance lafiya, bisa sharaɗi ɗaya: dole ne su zauna a cikin gidajen su.

Wannan gaskiyar tana da muhimmanci: jinin yana kare masu yin biyayya kawai. Za ku zauna lafiya lokacin da kuke biyayya. Bari mu dubi 1 Bitrus 1:2. Bitrus yana gai da “zaɓaɓɓu da ke a Warwatse [a cikin Hellenanci, da ke ƙasashen waje]” (aya 1). Yana magana ne musamman da Yahudawa da suke wajen ƙasar Isra’ila, waɗanda “zaɓaɓɓu ne [ko waɗanda aka zaɓa] bisa ga rigasanin Allah Uba, cikin tsarkakewar Ruhu, domin biyayya da yayyafa jinin Yesu Kristi.”

Ku lura cewa biyayya tana zuwa kafin yayyafawa. Ba a yayyafa jinin a kan marasa biyayya. Jinin baya kare wadanda suka fita daga gidan. Yana kare kawai wanda ke bayan jinin ko kuma jinin ya rufe shi. Don haka, ku tuna, ko da yake akwai cikakkiyar kariya a cikin jinin, amma ga masu yin biyayya ne kawai.