Shafa Jini

A duban wannan furcin, za mu ga cewa dole ne mu san abin da jinin Yesu ya ke yi mana. Sa'an nan, dole ne mu dauke shi daga "wurin ma’ajin jini" kuma mu shigar da shi cikin rayuwarmu. Akwai wani abu makamancin haka a cikin bikin Idin Ƙetarewa, wanda shine tanadin Allah domin kuɓuta da ceto ga Isra'ila (dubi Fitowa 12:21-27). Uban kowane iyali sai ya yanka ɗan rago (hadaya) ya tara jininsa a cikin tasa. Wannan aikin na nuna babban hakkin Ubanni na zama firistoci ga iyalansu.

Amma jinin da ke cikin tasar bai kāre wani iyali na Isra'ila ba; dole ne a cire shi daga tasa zuwa inda iyalin ke zama. Hanya ɗaya ce kawai aka tanadar, kuma ita ce hyssop. Wannan shukar tana da yawa a Gabas ta Tsakiya; tana fitowa a ko'ina a can. Don haka sai su ɗebi ɗaurin shukar, sai su tsoma a cikin jinin, sai su shafa shi a bisa kan kofar da madogaran ƙofa biyu na gidansu, amma ba a bakin kofar ba.

Faufau ba za ka sa ƙafa bisa jinin ba.

Da aka yi haka, mala'ika mai halakarwa bai iya shiga gidan ba. Amma Isra’ilawa waɗanda ke cikin gidajen su, ɓoye a bayan jinin, su kaɗai ne aka kāre. Wannan shi ne kaɗai maɓuya a Masar a wannan daren.